അപകടം അന്തീനാട് പരിസരത്ത് ഒരു നിത്യസംഭവം ആയി മാറിയിരിക്കുകയാണ് .
ജൂണ്‍ 18 നു ആണ് ഈ അപകടം നടന്നത് . അന്തീനാട് പ്ലാത്തോട്ടത്തില്‍
കുര്യാച്ചന്റെയും ക്ലാരീസിന്റെയും രണ്ടാമത്തെ മകനായ
റ്റിജോ ആണ് ഇവിടെ ഇരയായത്. തൊടുപുഴ ഭാഗത്ത്‌ നിന്നും
പാലായ്ക്കു പോകുകയായിരുന്ന കരിങ്കുന്നം സ്വദേശിയുടെ
കാര്‍ കൊല്ലപ്പള്ളി ടൌണ്‍ പാലത്തിനു സമീപം വച്ച് റ്റിജോ സഞ്ചരിച്ചിരുന്ന
ബൈക്കില്‍ പുറകില് നിന്നും വന്നു ഇടിക്കുകയായിരുന്നു .
ബൈക്കില്‍ നിന്നും വീണ്‌ റ്റിജോയുടെ
കാലിനു മുറിവുകള്‍ ഉണ്ടായതിനെ തുടര്‍ന്ന് പ്രവിത്താനം കാവുകാട്ട്
ഹോസ്പിറ്റലില്‍ പ്രവേശിപ്പിച്ചു. പാലാ പോലീസ് സ്ഥലത്തെത്തി
കേസ് ചാര്‍ജ് ചെയ്തു. കാറോടിച്ചിരുന്ന ആളിനെ മെഡിക്കല്‍ ചെക്കപ്പിന്റെ
അടിസ്ഥാനത്തില്‍ മദ്യപിച്ചാണ് ഇയാള്‍ വണ്ടി ഓടിച്ചിരുന്നത് എന്ന് തെളിഞ്ഞു.
സംഭവ സ്ഥലം ഈ സമയം സംങ്കര്‍ഷ ഭരിതമായി.
ഇതേ സമയം ഇതുവഴി കടന്നു പോയ ഒരു ആംബുലന്‍സ് അന്തീനാട്ടില്‍ വച്ച്
ഒരു കാറിനെ മറികടക്കുന്ന സമയം പാലായില്‍ നിന്നും വന്ന മറ്റൊരു കാര്‍ പെട്ടന്ന് നിര്‍ത്തിയതിന്റെ ഉടന്‍ അതിനു പുറകില് സ്പീഡില്‍ വന്ന ഒരു ക്വാളിസ് ജീപ്പ് ഇടിക്കുകയുണ്ടായി . യാത്രക്കാര്‍ക്ക് പരിക്കുകള്‍ ഒന്നും ഇല്ല .
ഏതാണ്ട് 15 മിനിട്ടിനുള്ളില്‍ ആണ് ഈ രണ്ടു അപകടവും നടന്നത്. ചുവടെ കാണുന്നതാണ് രണ്ടാമത്തെ അപകടത്തിന്റെ ദൃശ്യങ്ങള്‍
