പാലാ നഗരത്തിലെ മാലിന്യപ്രശ്‌നത്തിന്‌ ശാശ്വത പരിഹാരം കാണണമെന്നാവശ്യപ്പെട്ടും കാനാട്ടുപാറയിലെ ജനങ്ങള്‍ ഡംമ്പിംഗ്‌ ഗ്രൗണ്ട്‌ നിര്‍ത്തലാക്കണമെന്ന്‌ ആവശ്യപ്പെട്ടു നടത്തുന്ന സമരത്തിനു പിന്തുണ നല്‍കിയും പാലായില്‍ ഇന്നലെ എല്‍.ഡി.എഫിന്റെ നേതൃത്വത്തില്‍ സംഘടിപ്പിച്ച മനുഷ്യച്ചങ്ങല നഗരസഭയ്‌ക്കുളള ശക്‌തമായ താക്കീതായി.
മുനിസിപ്പല്‍ ഓഫീസ്‌ മുതല്‍ നഗരമധ്യത്തിലൂടെ കൊട്ടാരമറ്റം വരെ തീര്‍ത്ത ചങ്ങലയില്‍ സ്‌ത്രീകളും കുട്ടികളുമടക്കം ആയിരങ്ങളാണു കണ്ണികളായത്‌.
സ്‌റ്റേഡിയം കോര്‍ണറില്‍ നടന്ന പൊതുസമ്മേളനം സി.പി.എം. ജില്ലാ സെക്രട്ടറി കെ.ജെ. തോമസ്‌ ഉദ്‌ഘാടനം ചെയ്‌തു. എല്‍.ഡി.എഫ്‌. മുനിസിപ്പല്‍ കണ്‍വീനര്‍ സിബി തോട്ടുപുറം അധ്യക്ഷത വഹിച്ചു.
No comments:
Post a Comment